महाराष्ट्र सरकार नेहमीच लोककल्याणासाठी विविध योजना राबवत असते. मात्र, बहुतांश योजना सर्वसामान्य नागरिकांपर्यंत पोहोचण्यात अडचणी येतात. या अडथळ्यांवर मात करण्यासाठी आणि सरकारी योजनांचा लाभ सर्वांना मिळावा यासाठी महाराष्ट्र शासनाने “योजना दूत” ही संकल्पना आणली आहे. प्रत्येक ग्रामपंचायतीत आणि शहरी भागात योजना दूतांची नेमणूक केली जाणार आहे, ज्यामुळे शासकीय योजनांची माहिती थेट नागरिकांपर्यंत पोहोचणे शक्य होईल.

योजना दूत हे एक महत्त्वाचे दुवा म्हणून काम करणार आहेत. त्यांना सर्व शासकीय योजनांची माहिती लोकांपर्यंत पोहोचवणे, लाभार्थ्यांना मार्गदर्शन करणे, अर्ज प्रक्रियेत मदत करणे आणि योजना प्रभावीपणे अंमलात आणण्यासाठी काम करायचे आहे.
त्याशिवाय, गावपातळीवर जनजागृती मोहिमा राबवणे, शासकीय उपक्रमांना प्रोत्साहन देणे, आणि योजना तळागाळात पोहोचवण्यासाठी प्रयत्नशील राहणे ही जबाबदारी योजना दूतांवर असणार आहे.

योजना दूत म्हणून काम करणाऱ्या व्यक्तींना सरकारकडून दरमहा ₹10,000 मानधन दिले जाईल. याशिवाय, उत्कृष्ट कामगिरी करणाऱ्या योजना दूतांना विशेष प्रोत्साहन आणि सन्मानपत्र दिले जाईल. ही नोकरी सामाजिक काम करण्याची संधी देऊन, रोजगाराचे साधन उपलब्ध करून देईल.

योजना दूत या उपक्रमामुळे गावांतील आणि शहरांतील बेरोजगार युवकांना रोजगाराची संधी मिळेल. तसेच, सामाजिक विकासात योगदान देण्याची संधी मिळेल. हा उपक्रम शासकीय योजनांच्या यशस्वी अंमलबजावणीसाठी क्रांतिकारी ठरणार आहे.